|
|
|
॥ विष्णुपुराणम् ॥ चतुर्थः अंशः ॥ षोडशोऽध्यायः ॥
श्रीपराशर उवाच
इत्येष समासतस्ते यदोर्वंशः कथितः ॥ १ ॥ अथ तुर्वसोर्वंशमवधारय ॥ २ ॥ तुर्वसोर्वह्निरात्मजः वह्नेर्भार्गः भार्गाद्भानुस्ततश्च त्रयीसानुस्तस्माच्च करन्दमस्तस्यापि मरुत्तः ॥ ३ ॥ सोऽनपत्योभवत् ॥ ४ ॥ ततश्च पौरवं दुष्यन्तं पुत्रमकल्पयत् ॥ ५ ॥ एवं ययातिशापात्तद्वंशः पौरवमेव वंशं समाश्रितवान् ॥ ६ ॥ इति श्रीविष्णुमहापुरामे चुतुर्थांशे षोडशोऽध्यायः (१६) |